Sampe suvu sararaku, sampe hituhi ane raparantaeka pakabelo eva domoria niepe berimba kareba nu hunian tetap (huntap).
Ledo muni nisaniku nuapa kendalana ri lapanga suvu, padahala ane rasani miu anggarana hae naria pura ranga, eranga. Rapaha miu mbotomo suvu, kajapa huntara sampe hituhi eva dopa naupu pura ranga, nemopa vai huntap.
Tapi nipoheraku hi suvu, eva ledo muniria nuapa berimbana niuli dako ri pamarenta, nakuya huntap hi eva doparia polenjene nipeinta ranga.
Padahal, eva nasaro mpu pajaba dako ri Jakarta nakava tumai risi, tapi aga no tinjau vaimo notinjau vaimo. Leria manguli bara moresmikan huntaramo atau moresmikan huntapmo leria ranga.
Leria bara manguli makava ri palu Wapres atau Balengga nu BNPB makava ri palu hae bara ri sigi mo resmika huntaramo eranga atau huntapmo eranga, kana doparia suvu.
Dako huntap hi suvu nipekatanata, domopa vai rauli dana stimulant eranga, eva sakuya minggumo niuli dasementara pencairan, pencairan njumo neva leria natebagi doi ka todea.
Jadi suvu, kakomiu lee, nemo rahara gaga nuanu niuli dako ri pamarenta, merapi nte pue ta’ala pade mokarja belo-belo.
Merapi do’a kana radekeikana nju kita pura kacukupa matuvu radunia hi, vesiamo bara lee suvu, Tabe. (TOPANJAYO-NJAYO)
