Sampe suvu sararaku pura-pura le, iriavi rasani miu naria vaimo tona nosi sambale hamai ri Kecamatan Torue, Kabupaten Parigi-Moutong suvu.

Aga geira nosambale hi dopa nisani sema ranga, aga tona nisambale hi toma bo anana ranga ri tampa pokarjana no tana ranggayu ri bulu hamai yaa. Eranga napakasi mpu tona lee suvu, sakidepa mabotu tambolo hae dako ri karo.

Geira najadi korban hi suvu, nievakuasimo ranga ri banuara, rancana nu sarara hamai vei, eo hitu geira ratana singgani geira hamai ri Parigi.

Suvu, bara nakuya muni lee eva ledoria kaupuna nuanu hamai ri Parigi hamai le, bara nakuya muni vesia lee padahal ane rareke-reke kadeana pulisi bo tantara hi rumba puramo tano.

Atau bara nisangaja nuanu hi asupaya aga vesiamo aga vesiamo ledo maupu nuanu hamai ri parigi hi. Domo vai ngena masae raepe vai topositemba vaimo, eranga.

Eva domo nipahata nuanu hi, bara nigajika nokuya tano pulisi bo tantara sampe nuanu ribuluna hamai ledo naupu.

Arasani miu suvu, sampe hituhi doparia nuapa-nuapa niuli nu kapolda le, damo maria berimba ngena informasi baruna pade maria vai kuulika kakomiu pura sararaku le. Tabe. (TOPANJAYO-NJAYO)