Sampe suvu sararaka pura-pura le, berimba kareba miu eo hitu leee. Suvu naria vai sakide hi nuanu kutesaka kakomiu ranga nuanu hi ane rapeinta miu muni suvu ledo ntoto ranga nesua riakala.
Bo nuapa tano hae inggu nupamarenta suvu kate hau nigerora trotoar pade nitanara risia bibi nukayu ranga. Nakuya eva natabua-buana panggivia nupamarenta hi suvu.
Tapi suvu aga domo kusani geira topo tana kayu hi dako ri pamarenta kota atau dako ri pamarenta provinsi. Najadi nateganggu pura ranga topolipa ane vesia hae suvu.
Pade kayu nitudara hae suvu ledo aga sangu ato randua, pokoknya ane komiu mesuvu dako ri bandara motua hau riambena ri dala Abdurrahman Saleh kayu bayangimo ngena rapeinta miu ri sabingga njidi tu suvu.
Ane panguliku hi ranga komiu muni pamarenta, ledo muni ranga mompakaulu ngata vesia hae carana. Kan hae nariamo ritatangana anu eva vinga nudala muni nipake pake notuda – tuda bunga hae yaa bo ratuda mo risia hae ranga kayu hae.
Kan ledo muni kayu vuri ntoto ratuda hae, anu eva kayu nu cemaramo hae ranga ratuda anu ledo mambaso ngena kalena hae yaa kan. Asupaya ranga damariapa muni tampa topolipa apa ane vesia hae domo ria tampa tolipa.
Jadi ane mamala ngena lee kakomiu toponturo ri kadera gaya ra ngata hi raparantaeka hae lee, apa ane mambasomo ngena kayu hae tantu kalena hau menjoyo ridala jama ngena hae pura ngena ntora ranga suvu. Vesiamo ruru lee suvu. Tabe. (TOPANJAYO NJAYO)
