Sampe suvu sararaku le, berimba kareba komiu pura suvu. Perapi doa kana maseha-seha pura ranga ri tempo Corona vesihi.
Suvu Naria nuanu sakide hi ku tesaka kakomiu pura. Nuanu hi suvu, tesa dako di Waru po kopi ranga. Pangane hitu nisanita pura eo Sine ranga, eo mpokarja pelabinapa ane geira pagawe.
Tapi Suvu, ane kita tulau molipa-lipa hau ri warung kopi eva Domo nakana ane pangane hitu eo sine. Apa eva deanapa tona nobaju pagawe nonturo hamai.
Pade Ledo aga sampalai, leria manguli mangali kopi rabungumo rainu ri kantoro, Kana nonturo muni geira ranga sampe mompebasa motesa-tesa. Domo nitora pokarja hamai ri kantoro eranga.
Jadi mba komiu Pak Gub, Pak Wali, Pak Bupati, apa Eva nadeapa pagawe miu ri waru kopi, jadi linjamo kantorora, linjamo ri warkop vei ala masana mokarja.
Dopa vai hituhi nambela ri tempo nu corona ranga. nariamo sanu domo nompake masker. Padahal, anu geira mompikitaka conto katodea anu geira vaimo ledo nomapake masker. (TOPANJAYO-NJAYO)
