Sampe suvu sararaku pura-pura lee, berimba kareba miu eo hitu suvu. kana perapi doa asupaya mabelo pura kareba miu tulau lee suvu.
Suvu naria vai nuanu sakide hi kutesaka kakomiu ranga, nuanu hi suvu kutesaka komiu apa eva najadi sumpa ri mataku hie ranga, nggapurina hie suvu ane masaro komiu manggita berita ri Koran, Televisi ante radio ai eva nadea vaimo ranga topo partai hi nanjayo hau ri banua ustad-ustad suvu.
Ledo bara berimba lee suvu, apa ane raparantaeka pakabelo suvu apa damo nggapuri hie kan pade geira topo partai hi nasaro mpu nanjayo nte ustad-ustad le.
Padahal suvu mpae-mpae nggapurina ruru hae ai ane rapeinta ledo ntoto ria suvu, bara aga naria tempo-tempona geira hi nanjayo nte ustad-ustad le suvu.
Tapi nakuya sipara vesia hae kan nisanita puramo tulau lee suvu, apa kita hi mpae makava ngena maria vai pemilihan jadi yaa rapahata mbotomo lee suvu.
Asupaya rauli narapa nte ustad ngena geira hae suvu, ey nemo raparcaya hae apa dava bayangi ngena hae. Yaku nanguli vesihi suvu peinta miu mbotomo ngena ane geira matepelisi elo-elomo tulau karebana ane damariapa geira hau manjayo ante ustad-ustad.
Domo ntoto rang aria tue suvu, eva nuapa hia damo naria dotara geira pade nekarapai begitu nikavara nuapa nidotara nalaimo geira ngena tue. Eranga, jadi mba komiu lee topo partai tulau asupaya rapakabelo sakide sipa lee nemo matagara gaga vesia hae ngena. Tabe. (TOPANJAYO-NJAYO)
