Sampe suvu sararaku, suvu rumba puramo komiu lee, kamai puramo kita lee makava ri haul nu Guru Tua. Tapi suvu nemo aga komiu nggo makava lee, kana rapakeni pura anata tuakata, tueita ante sararata pura ra ngata suvu.
Apa narugi ntoto lee suvu ane komiu ledo makava ri haul nu guru tua mpae hi, apa ane rasani miu ranga, haul ri mpae hi niposangaka haul bulava. Nakuya haul bulava, apa haul hitu nosiganggava tempona nte haul nu Alkhairaat.
Pade ledo aga hae suvu, haul ri mpae hituhi muni domo rapovia ri tatanga nudala jama eva mpae mpae ruru tapi rakavia riara nu alkhairaat haemo ranga jadi narasa ntotomo haul hitu suvu.
Suvu ane rasani miu, sararata dako ri sangatana eva Maluku ante Ternate nakava puramo ranga, jadi damo kita narapa hi eva dopa ria nanjayo ri Haul ranga. Ri haul hi suvu ane rasani miu kirta nakava hi ledo ngena aga nakava nggo vesia hae ranga.
Tapi insya allah kita makava ri haul nu guru tua hae suvu manggava nu Baraka nu Guru Tua pura. Apa nisanita puramo ranga dako ri totuata pura sema Guru Tua hae ranga.
Vesiamo ruru lee suvu damo maria vai ngena tempona kita mosinggava lee, jadi kana ratora lee suvu kamai puramo kita mosinggava ri haul nu Guruta Pura, Guru Tua, tabe. (TOPANJAYO-NJAYO)
