Sampe suvu sararaku lee berimba kareba miu pura ri eo hitu suvu, kana merapi doa lee maseha – seha pura kita tulau. Tapi ane kareba miu mabelo mabelo muni karebaku risi tapi ane komiu ledo mabelo kana tetap mabelo yaku risi suvu.
Suvu dako – dako dopa nasae hitu suvu niuli vei doi nu pamarenta nu ngata palu hi anu panggava dako ri po parkir hae naboru suvu. Apa niuli vei dako ri po parkir hae ledo nelabi dako ri limatu jutana panggava ranga.
Padahal suvu ane panguli geira toponturu ri kadera nu DPRD ngata Palu hae suvu seharusna panggava dako ri po parkir hae melabi dako limatu juta karna dako ri po parkir hae suvu doi mbaso pangulira.
Jadi niuli geira topontura ri kadera no goya – goya hae rabali vai vei atura nomba aturu po parkir hae asupaya suvu panggava hae meore mevali majdi mambaso.
Tapi eva nakana muni niulira hae suvu, apa ane rapeintata dako ri ngata palu hi nadea ntoto ngena topo parkir hi suvu. Pokonya rumba motorota atau otota meta mesai pasti naria topo parkir.
Pade geira topo parkir hae suvu ledo ngena aga dako padondonan sampe edeeo ranga, nasampe ri bongina vai ngena geira hae. Peinta miu mbotomo vei ane ri talise hae suvu uuu damo momave ranga topo parkir.
Jadi mba komiu lee pamarenta nungata palu hi,raepe miu muni ngena nuapa niuli geira toponturo ri kadera no goya – goya hae apa jaritara hae mau maria muni sakide kepentingara tapi kana jarita kabelona kantodea muni ngena nikenira tue.
Kakomiu muni toponturo ri kadera no goya – goya nemo mambaso balengga ratende, apa nataupa ngena komiu ane netende tona hehehe. Tabee suvu (Topanjayo – njayo).
