Sampe suvu sararaku pura – pura, suvu ane niparanteka paka belo eva maupumo mpae hi eva nadea mpu topo karja rid ala jama ri palu hi ranga.
Nompamula dako topo karja keke ri bivi dala (Drainase) sampe topo karja gorong – gorong ri tatanga nu dala naria pura mamamla rapeintata mboto ranga damo nadea bone ri bivi dala hae ranga.
Nuanu hae nabelo pura sebenarna apa haselena ngena kakitamuni to. Tapi ane panguliku hi kakomiu pamarenta tue vesie lee ane mamala raulika muni geira topo karja ri tatanga nu ngata hae asupaya bone nipake nokarja hae nemo ratauraka ri dala jama ranga, apa nebato, nebago topo oto ante topo motoro.
Ane mamala bone ratauraka hae dika ribivina ntoto hae ranga, apa biasana ledo aga nebato topo liu tapi muni bonena hae nakamburaka ri tatanga nudala nompaka lenguru dala ranga.
Jadi pas ane naudamo dala jama hae ledo aga nalenguruka uve tapi nalenguru karna bone muni.
Pade hae muni kakomiu pamarenta ngata palu, raulika muni lee topokarja keke ri bivi dala jama (drainase) hae ane mamala tana hasele pokae keke hae nemo katandiakamo, raaturu paka belo ranga asuapaya ledo masovu ranga.
Jadi haemo ruru lee kakomiu pamarenta nu ngata palu, nuanu hi aga petevai nggo ngena hi. Tabe. (TOPANJAYO-NJAYO)
