Eo eo eva ledo nenonto ranga tona nositesaka THR, namadai vai eva tona nakakuranga mpu ranga lee. Nosi telepo, nosi sms ante nosi facebook aga THRmo aga THRmo ranga.

Aga mada muni puasa mangepe komiu aga haimo aga haimo nitesa bara ledo nabasa-basa, padahal ane rareke pakabelo ranga suvu, komi tue ranga najadimo pagawe.

Nombula-mbula nantarima nju tapi kana dopa muni nabasa rara ranga, kana nielopa vai potambaina sakide anu niulika THRmo hae ya. Pade ledo bara nangelo ante sabara kana nejojo njumuni eo eo, hu nasodo mpu pagawe.

Tapi sampe suvuku ledo muni ngena aga geira pagawe hi nejojo THR, geira topo karja ntanina muni ngena ala rasani miu lee, eva geira dako nohonor hae yaa ante geira nokarja ri kantoro ntanina nelabipa vai muni pejojora ane nositesaka thr ranga.

Nakini mpu rara ledo manggava ranga huu nasodo mpu topo kantoro gala, tapi maria sangu lee kutevaika kakomiu pura, mau damo berimba panggavata nokarja lee kana mosikuru ante Tupu Ta’ala.

Nemo ntoto lee kita majadi tona eva ledo nabasa-basa nte pidekeika tupu ta’ala ranga bara komiu topo nturi ri kadera  nogoya-goya, bara komiu pagawe, bara komiu ledo pagawe pokonya kana mosikuru, apa hae ngena majadi pobakuta ane makavamo tempo nu janji.

Jadi haemo ruru lee kutevaika kakomiu suvu, damo maria vai ngena tempona kita mosinggava, tabe. (TOPANJAYO-NJAYO)