Sampe suvu sararaku, mba komiu lee berimba kareba puasa miu pura suvu nariamo nabata atau danabutu pura, ane komiu danabutu pura berarti danabutu muni yaku tapi ane komiu marimo nabata ai domo nte yaku tu lee he..he..he.
Suvu nipeintaku hi ri masigi ranga eva naria nuanu neganggu panggita numata hi ranga. Nuanu hai ya suvu topo tarawe ane bongina hae ya eva namaju njumo ranga baresi topo tarawe.
Lemuni nisaniku nakuya ranga, eva najadi kabiasamo rampuasa ranga nuanu vehae. Nahera muni yaku ranga padahal hae kabelota ranga tapi eva aga nariapa nuanu rilau paralupa dari pada tarawe ranga.
Padahal ranga tarawe hi suvu aga sanggani sampae ranga, aga talupulu mbongi nggo ranga ledo ranga malai hau rumba nuanu risavalikuna hae suvu.
Apa nipeintaku hituhi eva naroapa ranga potomu bongina dari pada baresi topo tarawe ri masigi ranga. Ledo ngena komiu nitagi hau ri potomu bongina suvu ledo ntoto ranga.
Aga raparantaeka muni ranga petudu pue Ta’ala, apa bula puasa hi ngena suvu nade ntoto ranga barakana suvu. Jadi vesiamo ruru lee damo mosinggava vai ngena kita ranga lee perapi maponu pura puasata tulau sambula hi ranga. Rapakandate umuru sampe mabuka ngena. Insya Allah. (MANGGE TOPANJAYO)
