Sararaku pura-pura le, nisani miu hituhi hamai ri bivi nu karona ri Nunu naria topo karja jamabata alima le. Jambata alima hae ngena suvu matembus hamai ri dala Miangas.
Arasani miu le, ane jambata hae ngena domo masae majadi ranga apa niuli ratarget maupu rakarja mapae hitu suvu. Jadi ngena jambata alima hi suvu niuli vei eva jambata sangu hae ngena jadina.
Aga ri jambata alima hi suvu maria ngena sakide hiasana eva lalove vesia hae yaa, apa ane kontratorna nanguli magaya vei, aga dopa rasanita mpumo berimba ngena jadina ranga. tongorakamo le suvu.
Sararaku pura-pura le, nisanita puramo ranga sampe pangane hitu kajapa jambata ampa hamai nageromo domoria ranga kana nagadopa pombayarina ranga. Berimba vaimo ngena ane jambata nabaru hi, perapi doa leria vesia ranga.
Apa ledo kaupuna geira ri Dewan hamai nte pamarenta Kota kaupuna aga nosi tumbo-tumbo ranga, domo nisani semamo nasala apa singga nakabaga leria nangaku madota menoa, eranga.
Eva leria kaupuna bencana ri ngata hi, nuanu vesia rasani miu bencana muni ngena hae, aga bencana hi nuanu ni tunggai tapi ane eva lingu bo tsunami hae anu dako ri tupu ta’alamo ranga.
Jadi mba komiu lee, pamarenta nu kota nte Dewan ri Palu ranga mokarja tue kana ratora tupu ta’ala ranga, rapakagali rara tue, ratora posambaya asupaya maaliaka pura seta ri talinga.
Nemo dako manggita doi nalei bo malei muni mata eranga, ritu puramo ngena seta mbaso, jadi kana ratora lee asupaya jambata hae mainti rapake todea ranga. Tabe. (TOPANJAYO-NJAYO)
