Nepa ruru le, mbamo komiu sampesuvu pura-pura ane maria kareba makava rakeni sarara nepa ruru raparacaya, nemo sampe kita pura matebagiu kaupuna. Simbayunamo ante karena naria tona nikiki kapuna rantasi taman ria hai tano lenakana, aga dava bayangi sautu.
Panguli nukareba notulele, sarara dako ri Kanuna nikiki nu kapuna rantasi taman ria, niposabanamo sarara dako rangata Kanuna hai madota momeka ia, kaupuna nalipo pasangganimo domo naria.
Haimo hai niposabakana notulelemo kareba ane sarara dako ri Kanuna nikikimo bo nikande nukapurnamo ia. Bovesia niposielo pangane hi, kamailekana nikavamo ranga batena nomo kamba-mba ribavo nuntasi pade niposionggetaka sarara.
Ane rapeinta dako ri karo sarara dako ri Kanuna pangane hia, ledo ranga naria bela mpokiki nu kapuna, ledo muni naria nakabasaka palena, kadana. Naria bela baka nipeinta, tapi le ledo bela mpokiki nu kapuna.
Ane sarara ntanina naguli, ane nakana ia rakiki nu kapuna, tantu maria belana. Ane ledo domo naria palena sabingga ane ledo ntimali-mali, ivesia muni kadana tantu domo pura naria. Hai main aria pura.
Jadi le sangganipa kita aga mosipapatora, nepa ruru raparacaya kareba ane dopa nipeintata mboto ante matata, ane ledo bara ratarata ri telepisi, rabacata ri Koran. Nemo sampe matebagiu pura kita, jadi ivesiamo ruru sampesuvu sarara. Tabe (Mangge Kelo)
