Sampe suvu sararaku lee pura-pura ri ngata Palu nte komiu bara riumba pura ranga, kutevaika nemo masesa gaga suvu mangepe kareba nu virus corona hi.
Kana rapakagali pompekiri lee, pakanoto rara, merapi do ante tupu ala ta’ala asupaya radekeikana nju kita pura hi kasehata ranga. Apa saminggumo hie suvu nikitaku ri internet atau bisana nikanalata facebook hae nadeamo anu domo nakana santanga ranga.
Nakana mpu mami suvu kita ri palu naria napositifmo lee, tapi nemo makini gaga rara ranga, apa geira napositifmo hae nitanganimo nu pamarenta ranga. Niisolasimo geira hae.
Domo nesuvu eva kita biasana hi ranga, tapi kita muni suvu ane mpu-mpu kita hi madota matuvu maseha muni raepe nuapa atura dako ri pamarenta, ane niulika rabuamo ya rabuamo tumo muni mesuvu nju.
Mau aga manginu kopi kana hau ri waru vaimo eranga. Nakuya domo ntoto tano komiu mamala manginu kopi rabanua? Ane vesitu pokainggua miu berarti aga komiu mboto nomapaka sesa rara miu mboto.
Ane ledo parala ntoto tumo mandate gaga kada hau manjayo, tarutamana muni komiu sararaku mombine lee, tumo ruru mansanjayo gaga. Tumo ruru mo arisan atau bara mokuya ppura tue. Pondodomo ri banua ranga.
Kecuali komiu mesuvu maroso rara miu ledo makuya pesuvumo. Eva kita hi muni biasana kan, natantumo ledo mamala mokarja dako ribanua lenakuya pesuvumo.
Hae muni lee petevai kakomiu Gubernur, Wali Kota bo komiu pura Bupati ranga, ane komiu mantagi tona nemo mesuvu harus masadia muni komiu rapekiraka berimba ranga pangande todea hi.
Eva sararata hamai ri tenda-tenda atau ri huntara berimbamo ranga pangandera ane ledo mokarja kan jadi nemo komiu aga matau nggo mombatudu tona.(TopanjayoNjayo)
