Sampe suvu sararaku pura-pura, berimba kareba ri eo hitu suvu. Perapi doa kareba belo pura kakomiu asupaya kareba belo muni dako yaku.
Suvu iriavi naresmimo nitutuimo lomba posilumba sapeda tingkat internasional anu naria topo sapeda noliu nipeintata hae ya ranga, bayangi vei suvu dako ri Kabupaten Tojo Una – una sampe ri Kota Palu patatu labi kilona geira hae nosapeda ranga.
Jadi niuli nu gebernur Longki Djanggola ri mpae makava vei rapovia vai ngena TDCC tapi mandatepa vai dalana, mompamula dako ri Kabupaten Luwuk sampe masompo vai ri Kota Palu jadi ane rareke ndatena hae pituatu labi suvu.
Bayangi miumo hae pituatu labi pade aga alima ngganina kita mangosaraka, tapi hae suvu dopa muni nianu gaga dako rancana pura hae. Damo rapeintata vai ngena berimbana ri mpae makava.
Ane rapo io gubernur aaa berarti majadi mpu majadi rancana raadakan njumo ngena mpae – mpae makava manjava palu nomonimo hae ya, kana naria nju.
Tapi kuulika muni kakomiu pamarenta nemo mamango gaga lee movie acara kegiatan mbaso nju, tora – tora miu muni ranga ntodea hi apa noadakan kegiatan vehai ledo aga doi sakide pade nipake doi ntodea ngena ranga.
Jadi ane rapovia vai ngena kana rakavia pakabelo vai, asupaya maria muni haselena kageira ntodea ranga. vesiamo ruru lee damo maria vai ngena kasampata kita mosintomu. Tabe… (TOPANJAYO-NJAYO)
