Sampe suvu sararaku pura – pura lee, berimba kareba miu pura ri eo hitu suvu. Suvu naria vai sakidea nuanu hi kutasaka kakomiu pura apa nikitaku eva aga haimo nju nikarja eva domoria ntanina ranga.

Hai ranga suvu, trotoar nice vai ala mabaru vai vei rakita ntodea ranga leisaniku aga yaku nombarasai vesihi atau nadea muni tona nombarasaina. Apa nikitaku ri ngayo nu kantoro tantara korem 132/tadulako nari vaimo ranga topo ce trotoar ranga.

Ledo bara berimba lee suvu, ane manjayo – najyo nju komiu ri mpae naliu ledo aga dava E nade mpumo trotoar nice ala mabaru ranga. Pade dopa nikavana sakuya mpae nice vaimo ranga eva nahera mpu yaku nanggitana lee.

Apa ledo nenonto – nonto aga trotoarmo aga trotoarmu hae niparantaeka eva domo ntotoria ntanina rakarjai ranga. Nakuya nakumba ntotomo tano sovu nentaka ri trotoar hae nipeinta miu padahal ane raparantaeka belo – belo hae suvu danakantarapa muni ranga putina nte vurina.

Eva ledo muni nipahaku lee, ane panguliku hi komiu ri pamarenta tue coba vei rakarjai ruru nuapa najadi pomperapi ntodea hituhi hae rakarjai apa ane aga moce trotoar tue ranga mamala ranga damo mpae makava vai ruru yaa ledo muni hae hae nju.

Coba vei kuulika kakomiu lee topo nturo ri kadera nogoya – goya muni, koi molipa – lipa vei komiu manau ri lapanga peinta mbana pura dala nolobu – lobu, mbana pura dala makava tempo nu uda magege haetu vesia hae rapakabelo ranga.

Coba vei komiu eee molipa – lipa motua hau riambena dako ri bundaran palupi sampe ri lampu mera tavanjuka hamai rasai miu bayangimo tu dala damo nadea buntina damo nadea lobuna ane nauda nalenguru ledo ria nipakabelo miu.

Jadi vesiamo ruru lee suvu damo mosnggava vai ngena kita ri tempona ntanina. Tabee (Topanjayo – njayo)