Sampe suvu sararaku, sampe hituhi ane raparantaeka pakabelo eva nadeapa muni tano huntara dopa najadi le.

Ledo muni nisaniku nuapa kendalana ri lapanga suvu, padahala ane rasani miu anggarana hae naria pura ranga, eranga. Mamalapa rareke rumba pura huntara natepakemo.

Padahal suvu, domo rauli Wakil Presiden Jusuf Kalla, kajapa Balengga nu BNPB nasaro mpu ranga tumai netotoaka naggita, nekutana berimba karebata pura ri huntara.

Tapi eva dopa muniria garaka nakanca nikaviana ranga, eranga, pokonya ane geiramo nakava vai ri palu, paling aga no tinjau vaimo notinjau vaimo.

Leria bara manguli makava ri palu Wapres atau Balengga nu BNPB makava ri palu hae bara ri Sigi mo resmika huntaramo eranga.

Ane rasani miu aturana suvu, huntara hae seharusna aga ruambula nggo ranga meanggamo pade raponturata puramu, tapi sampe hituhi eva deanapa ranga geira da ritenda daripada geira ri huntara.

Aga domo muni nisaniku suvu, geira nanggava huntara hi tona nalipo mpu banuana atau berimbana ranga, apa naria nipeintaku suvu eva nadea muni tano topo oto pade banuana aga sakide nagera kana ka ia muni huntara.

Eranga, natantu mpu kadoko ntona ane mpu-mpu vesia hae kaingguana le, jadi kakomiu pamarenta lee, pagasimo ranga huntara tue rabangu domo madea gaga janji momi, nosulivi pura teas miu ranga pade leria haselena.

Vesiamo ruru lee suvu maria vai ngena tempona kita mosinggava. Tabe. (TOPANJAYO-NJAYO)