Bahaya ! Medotimo Bupati

oleh
Conto boneka nipajadika baha medoti. (FOTO : Dako ri Google)

Sampe suvu sararaku, dako – dako hi nariamo video nesuvu dako ri Bupati Donggala, netevaika ka Ketua DPRD Donggala kabelo radoti.

Adoh, nabahaya vai ranga pajaba vesia lee, mosidotimo pajaba ane vetu semamo tano majadi pajaba vai apa dopa nasae natepelisi ranga.

Padahal suvu, geira pajaba hi seharusna mompakitaka conto ka todea, ee botano aga geira ranga nompakitaka anu ledo nabelo, anu ledo rauli kate niuli eranga, namadai mpu pajaba eh.

Apalagi suvu, pajaba nanguli hi Bupati ntoto ranga, ee yaku hi suvu ledo ngena nepangajari le, domo kuuli Bupati, kakita puramo hi kutevaika kakomiu ranga, berimabana pun duanurara miu tapi najadimo pajaba nemo sanggani-nggani ranga motesa ntabua-buana.

Ledoria aturana mau pajaba sema, vesiamo ranga resikona, ane ledo namampu nemo mamaju majadi pajaba, apalagi bupati, karna naria pura kode etikna vesia.

Kajapa kita aga najadi security nggo naria aturana naria kode etikna, apalagi bupati, ane maria bara persoalan mau berimbana, harus rakeni motesa belo ranga, nemo rakenika bilisi anu vesitu le, apa ane kitamo najadi bupati atau pajaba ntanina kita hi nipeinta todea ranga.

Jadi suvu, pakitaka ranga inggu mabelo vei, ane maria nuanu ledo nompaka sanarara positesaka pakabelo, kamai kita monturo singgani, ledo vesia carana kate mosianu-anu vesia ranga.

Vesiamo ruru lee suvu, maria vai ngena tempona kita mosinggava le. Tabe. (TOPANJAYO-NJAYO)