Sampe suvuku lee, rasani miu suvu huu nosimpepimo ranga oto nte motoro ridala jama suvu, pade damo singga kabaga.
Pade leria sangua madota metidagi ranga, dotara kana geira mokaulu huu singga sodo mpu ranga tona gala. Nasesa mpu rara hau ri gade naeka ledo manggava baju baru.
Eranga nasodo mpu huu, kandati geira mosinggarau rid ala jama hae aga nemo maboli hau ri gade baju baru. Bara nalinga rara ranga hituhi rampuasa.
Pokonya rara ra hae aginamo mosisala nemo ntoto ledo manggava baju baru, eranga, nakuya aga natagaramo vehae unto miu lee.
Suvu ku tevaika kakomiu pura lee, komiu anu leria sabarana hae yaa, eee suvu kabuki hae ledo paralu baju baru tue itu ranga paralupa porara itu rapaka gali.
Ledo nuapa lee, apa parcuma muni baju miu nabaru pade porara nte tona damo natagara eranga bara leisani miu bahaya.
Jadi suvu nemo ralinga lee, kana rapaka mbaso posabara ranga asupaya barakana kita nopuasa hi ledo aga mabotu maupu rampuasa hi ngena, tapi kana mari nju nju ngena sampe kita riambe nu tana.
Vesiamo ruru lee suvu damo maria vai ngena tempona kita mosinggava lee, tabe. (TOPANJAYO-NJAYO)
