Sampe eo pangane hi, sampesuvu sarara rangata Tulo, ledo nabelo kamonjora ane naturu. Apa uve rikarona nompene nju ranga, pade binge ri karona hai natubi nju sampe nabosumo ante ngata, boitumo itu sarara rangata Tulo sabagia ledo ranga namonjo bongina.
Tempo nu uda vei, ledo ngena aga sarara dako rangata Tulo ledo namonjo, ivesia muni ante sarara dako ringata ntanina, eva geira ri Ujuna, ri Kalikoa, ri Besusu bo ante geira ri Nunu bo ri Maesa.
Geira-geira pura hai nobanua ri bivi nggarona, boitumo ane nambasomo uve, kana domo ranga namonjo geira naturu. Nemo sampe domo ma’ase-ase kita maturu, aga matekajaka uve rabanua puramo.
Mbamo ranga komiu pamarenta rangata Palu bo ante ri Sigi, ane mamala kana rapeili miu geira nobanua ri bivi nggarona hai. Ane mamala muni karona ri Tulo hai rapoviaka pandasina, ane rangata palu kana rapakalnga vai sakide pandasi nariamo hai.
Asupaya uve ledo ranga mesua rangata, ledo mombagero banua ntodea, ledo majadi teroris uve hai. Apa nomparaeka todea nju ranga, nemo ane tempona uda vesihili. (Mangge Kelo)
