Iriavi Pamarenta rangata Palu hiye nompakagali rumpu nadea ri parampata soki masigi Agung, ridala WR Supratman ante dala Bantilan. Biasana risiya hai le, ane nauda kana nasulivi uve rid ala, pade ngena uve hai niavesakana pura rumpu, eva pombungu mie, naria muni poruka mbuku, naria muni baju yukensi.

Pokona deampengaya anu niave saka nu uve waktuna tempo nu uda ri Palu Barat. Rumpu-rumpu pura halahai ngena, ane natoro sakide nu uda, ri tatanga dala pura mo geira nokaduli, pade sovu tumo rauli ranga.

Nabelomo pamarenta rangata Palu negolirarana nompakagali bivi dala hai, pade ledo ngan nipevavora ane ledo nikarera, geira nompake oto po suyu rumpu. Pade ledo muni ngena rumpuna aga ni dika risiya hai, tantu nipakasadiara muni oto trek, jadi rumpu nisuyu hai langsung nisuruaka riara nu oto trek hai.

Ledo ngena aga risiya hai ngo, patampasu nipakagali geira, nielo belona, ama magali rapeinta torata nakava rangatata hi. Anu hai le ane rapekirisi eva nalambamo, apa nakavamo Presiden rangatata pade ni pakagalira, ivesia muni ante ngana mpokulia dako rangata santanina naria puramo pade nipakagalira.

Mbamo ranga komiu pamarenta, ane mamala ri eo makava, bemo makava puramo torata pade nipakagali rangata. Haimo hai belona ane naria padat karya tu ngena, geira nompakagalina, mau ledo naria acara rangata, kana nagali ngata nipoviara. Tabe le, nemo marau…. Hehehe (Mangge Kelo)