Mba komiu le,suvu perapi doa kana maseha pura rampuasa hie,muni kana mapumpu ato magana puasata ri pae 1348 Hirjah hie. Perapi doa le. Nuapa tano,da nadea nikavata ri dala jama,ri potomu topo balu-balu kandea rasa ri waru gera no balu,mungkin ka gera suvuta ri agama ntanina apa gera ledo nopuasa. Ane vesitu ledo nakuya le. Tapi ane mesua ri waru aga kita mboto muni,ado… itu pade anu ledo nabelo,aga daa rakavata ri akhera. Ai… ledo naeka gera le.
Apa nadea nikava,tona nesua ante nesuvu natongo eo,pesuvuna gera ri waru,naria mo notoje ngisi apa naopunmo nagande riwaru. Tapi,nemontoto komiu suvu,nibuka waru komiu nawajib nopuasa aga muni notuntuni gera ledo mami nopuasa. Ado berimba hai!
Kan naria mami,atura nuagamata,gera ledo na wajib nuapasa hai ngena, tona nadua,gera ane hau molipa manjayao makavao,ante muni gera natiana mbaso. Tapi suvu gera hai ledo muni nipalambaka vesia ngo,naria muni kewajibanra,hai nuapa niuli tona natau,mombayari fidya mopakande fakir miskin ane panguli ustaz.
Eranga,sisi da nadea nikava ta, nonjimboli kajadiana,tona nabelo pokarona,nasehat,anu mamala mo puasa,ee aga gerapa ledo nopuasa,sua suvu ri waru bara ledo namampu nontaha unu apu roko ra natalanjor le,ri potomu nadea nikava hitu. Kambasona karo narugi ngo itu,nidagi nungana kodi,namala nupuasa. Maekamo itu le! (TOKASOLOANA)
