Tora-Tora Mombayari Pitara

oleh

Domo masae maupu vai bula puasa suvu,eva ledo ranga nirasai sambulamo kita nopuasa. Perapi doa ri pae makava kana rakavata mo vai bula mpuasa hie.

Suvu, kabiasata mami ane mamapara mo bula ngabuka anu natopa nuli lebaran, nadea ranga nipo sesa ntodea sampe suvuta pura.

Naria mo niposesa ka, mompaka gaya ce nu banua ta, naria muni mangalika ka ana ta baju gaya rapake ri eo nga buka hai.

Ledo nakuya suvu, yang penting naria doi nikavata dako ripokarajata. Suvu, paralu ntoto ngena ri bongi potakabere, nemo mesuvumo kita manjayo ee, ane dopa natebayari puramo zaka pitara hai. Nemo le, kana ra tora-tora suvu. Itu hi pade raposesaka belo na.

Sisi apa naria santanga pagawe ri kantoro nantarima mo gaji sapulu bo tatalu hai anu THR. Alhamdulillah, tapi suvu, nemo sangganipa rakalingasi miu pitara hai. Paralupa hai pade baju gaya bo ntania hai.

Sisi ngena bongi-bongi ri kaopuna rampuasa hi matambae karoa nu mol-mol,ri tampa-tampa topo balu baju,pade ri masigi ante muni tampa topo bayari zakat pitara hai damo nakalinoa nonjimboli le. Anu gera moraga diskon vei!

Coba miu vei hau manggita ante mangali baju ri Palu grand mol bo naroa tona, damo pangaya manusia riara nu mol hai. Kadea manusia, njumangu manusia suvu. Domo rasani manguli, ane bongi potaka bere le,pasti maroapa tona nanjayo-jayo bongina hai. Yang penting suvu,natebayari mo pitara le,nemo aga mangali petasan ka gana miu! Tabe. (TOKASOLOANA)