Topo Oto Nalaju, Nasambara Mpu Notovelu

oleh
Contona Topo Oto Notovelu Sambara. (Gambara dako ri Google)

Eva namadai mpu muni ranga topo oto rangata hi suvu, sekalina geira no otomo nasambaramo nokuya-kuya.

Contonamo hae mau aga motovelu ranga, domo ntoto namala neta sampalai ruru pade raungge kaca hae pade motovelu belo-belo ribivi dala.

Hitu mai domo ntotoria, kagasina oto damo sampeore kaca domo haumo velu dao ri nganga damo navau nevoro nesuvu, domo nipadulira ranga bara mambela tona bara ledo pokoknya motovelu dako ri oto geira.

Huu nelabi mpu ranga kakurangajana, ai ledo bara berimba lee suvu, pangliku hi kakomiu topo oto tue, kana rapaka ria muni sakide atura lee, kana ratora apa ridala hae ngena ledo komiu mboto noliu ri dala jama ranga.

Tapi nadea tona noliu muni jadi nemo masambara gaga, apa nabelo bara navangi nganga bo velu miu tue ranga, anu damo nesoa pelabi-labi soa nu matepudu.

Jadi suvu mba komiu le, kupatoraka vai ranga kana rapakaria sakide atura nemo malaju gaga mesavi oto eva tona dako hae komiu nesavi oto ranga.

Tapi popatoraku hi ledo aga komiu topo tovelu sambara, kakomiu muni ngena topo roko ri oto, ane mamala lee ane sementara raoto bo moroko ratutui kaca nu oto.

Nemo rapaka siap mami sangu asbak raoto asupaya nemo masambara mombatadeaka apuna hau ri savalikuna, apa urusa ngena ane mambela mata tona apuna itu sema mombatanggung jawab? Saparara komiu madota.

Boitumo ane ledo mamampu mangali asbak radika raoto, tumo moroko raoto, nemo malaju gaga ranga.

Jadi vesiamo ruru lee suvu damo maria vai ngena tempona kita mosinggava, tabe le, ane maria komiu mate singgu ledo muni nakuya asupaya mabali kainggua. (TOPANJAYO-NJAYO)

loading...