Todea ri Mamboro Nantangalu, Dalara Domo Nagege

oleh
Vesihimo hi lenje nu dala rangata Mamboro ri Kota Palu, domo nagege, nagero, nagimboa pura ranga, ane pangulina dala rontoate ivesia hai. (ILUSTRASI)

Namadai ngatata ri Palu hi, niuli Kota eva Desa, rauli Desa naroa. Berimba ledo rauli vesiya hai, ane rapeintata ante ringata ntanina, Kota hai domo nabelo dalana, ledo namate-mate poindona, ledo naria tona nongua. Ane ri Palu eva nadeamo ranga todea nantangalu, naupumo geira dako ri Mantikolore, Ulujadi, Barat.

Tempona vai ranga geira todea dako ri Mamboro nantangalu, nipotangalura hai dalara ranga domo nagege, pangulira nasaempumo ranga dala hai ledo naria nipakabelo, naupumo nijaritai ri kantoro Lurah, Kacamata ri acara Musrembang. Tapi le ledo muni naria haselena, tumo ranga rauli maria janji Pamarenta mompakabelona, mompeinta ngo ledo ranga naria geira nakava panguli sarara dako ri Mamboro.

Ledo muni ngena aga dala sarara dako ri Mamboro ivesiya hai, bara pura-pura dala rangata eva nasimbayu kajadiana, tumo rauli ri Mamboro, bobara ri Pantoloan. Ngata ringayo numata eva ri Pengavu muni hama…. Eva nasaemo ranga dopa naria nipeilira, naupumo ranga Pamarenta nggaulu waktu Cudi no janji, kana ledo muni.

Ane moliu ridala mbaso rangata Pengavu domo naria salana eva dala nu goroba, ledo narata nasimbayumo eva uventasi, nobalumba. Jadi le mbamo komiu pamarenta rangata Palu, ane mamala kana rapekirika miu muni dala todea rangata hi. Tumo pura-pura, mau aga alima ngata riara sampae rapakabelo dalana. Tabe… (Mangge Mbaso)