Sampaemo Doparia Topoganti Wakil Gubernur

oleh
Ilustrasi

Sampe suvu sararaku pura – pura lee, suvu nekavamo sampae lee ngatata hi ledo nompake Wakil Gubernur ranga. Niuli vei nariamo sanga isema – isema mogantina tapi sampe hituhi dopa muni ria ranga.

Suvu mba komiu lee, ane rasani miu sanga – sanga CawaGub Sulteng hae niuli vei aga randua nggo, tano mai hituhi nesuvu mai sanga najadi alimamo ranga.

Jadi alima geira hae suvu dopa langsung mamala rapelisi vai, harus rates vai ruru geira ri partai koalisi Longki-Sudarto, pokona nadea prosesna ranga. Apa ane aturana mami suvu ledo mamala rapelisi ane alima sanga mesua hau ri DPRD harus aga randua nggo.

Apa niuli vei suvu tona majadi wakil gubernur hae ledo mamala aga dota dako ri gubernur mboto. Tapi harus maria suara dako geira – geira ri partai pengusung Longki-Sudarto barapia hae ya.

jadi vesiamo ranga suvu, apa damo singga nakabaga ranga ledoria madota moura, panguli gaeira sabinggana mai iyanumo tapi gaeira sabinggana vai dotana iyarisi eranga ledo maupu posibali ane vesia hae.

Jadi suvu, kita hi vesiamo sampe hituhi dopa ria wakil gubernur aga Longki saitona doparia roana. Damo ratongorakata vai suvu bula meonga vei nijanjika mariamo ngena vei sanga. (MANGGE TOPANJAYO)