Riumba Iko Nesai, Ri Situ Iko Nipului

oleh
ilustrasi tukang-parkir

Priiiiit….  Dako mesavi motoro ri potomu nipului. Dako mesavi motoro ri Talise nipului. Dako mesavi motoro ri MAL nipului. Dako mesavi motoro ri restoran nipului. Dako mesavi motoro ri toko nipului.

Dako nesavi motoro ri parampata nipului. Dako nesavi motoro ri taman kota nipului. Dako mesavi motoro kios nipului. Dako mesavi motoro…. nipuluinju. Maria ngena dako mesavi motoro ri masigi nipului. Dako mesavi motoro ri kantoro nipului. Dako mesavi motoro ri banua nipului muni.

Pului puramo…  Eh komiu topo oto muni tano.

Nagampamo nangelo karja sisi. Aga pului nggo raali nanggavamo doi kita. Nisanimiumo sema nitesa hie. Iyo topo parkir.

Riumba-riumba naria gera. Mau ledo norompi kana noupului muni. Bayangi-yangi nanggava doi dea. Saeyo ane alima nggani mesai. Maupun 10 njobuna. Dopo oto itu.

Ulimo sambongi, 50 topo parkir. satu njobumo rakavana. Ane sambula hae 30 rakali 100.000, tatalu juta rakavana ane maraji topo parkir hae. Ribavo nu-UMR ntoto. Nidagina-dagina gaji PNS.

Narasa mpu ranga katuvua ri Palu. Domo ria tana ntodea. Tana topoparkir puramo… Mba komiu pamarenta rapangajari pura topoparkir ledo naasa itu. Asupaya kami topo motoro nanyama muni mesai-sai riumba. Ledo nakana. Apa tanata pasinggani Palu hie. (TORANGGALUKU)