Pulisi Ribivi Dala Ante Sanjata Njumo

oleh

Sampe suvu sararaku lee, nemo komiu mahera ane manggita pulisi nojagai ri dala jama ante sanjata munimo lee.

Apa sampe eo pangane hitu ane rasani miu suvu da siaga sangu nju ranga ngatata hi suvu, tandana siaga satu hi suvu nompalu dako ri kajadia ri ngata Surabaya hamai ya.

Boitumo hae niuli Balengga Nu Pulisi ra ngata palu hi dopa nasae barapia kita kana mosiaga muni ranga. Jadi ane rapeinta miu maria pulisi ante sanjatana meangga ri pos posajaina ri dalajam nemo mahera vesiamo ranga suvu.

Aga dopa muni nisani suvu sampe maipia ranga ngata hi masiaga vesihi nju, apa dopa muniria parenta nu balengga mpulisi polres palu mombacabu tanda nu siaga sangu hae.

Jadi mba komiu lee pulisi, apa ane panguliku hi kana rapaka sova sakide ranga ka todea pura, sampe maipia racabu nu tandana siaga hi, apa nipeintaku eva nadea munimo tona nakini rarana nanjayo hau ra kota ranga.

Apa ledo bara berimba lee, nanggita komiu nantaja sanjata tue eva naeka pura tona niuli bara maria vai ngena bara nuapa-nuapa, ledo vesia suvu.

Haimo bara sakide petevai ka pulisi ra ngata hie yaa. Tabe. (TOPANJAYO-NJAYO)

loading...