Nosongko Puaji Ledo Nupuasa

oleh

Ee suvu, iriavi le kajadia ri dala Siranindi ledo nakavau dako ri tampa nobalu-balu ompa gaya ante horden hai,naria ante aono labi bara gera totua nonturo-turo hamai. Gera hai,ane di paranteka ngavao yaku nuliu, eva tona nomperapi-rapi doi tona ridala. Bara nalengemo hai, nonturomo gera, ane panguli ngapuri relaksasi le.

Hie nakanca suvu! Naria sangu hie, totua langgai,damo naroso kentena ledo nopuasa,aga nanginu uve teh ri gelas nisirobuna. Pade hai suvu, netabuni buni ia bara naya mata hai rasani todea noliu, domo sanita. Enta posirobu uve teh riboda plastik na, damo naasa tongo eo hi, tona pura nopuasa. Bara nu nialina hai ato nidekeika tona domo sanita. Naria muni ngana, ledo muni nakavao natelendu oto niparkir, ripalena nompongisi muni uve teh. Niinuna.

Namadai totua le,nosongko puaji wanar nalei,pade ledo nuapasa. Nikavaku hai, ruang gani yaku hau tumai ante motoro ala magintana ramata,asupaya mapasti nuapa ntoto nisuarakana risumbana, bo tano uve teh ri boda bara riumbamo niali uve. Oranga totua, damo aga Tupu mangisani. Namadai mpu le. (TOKASOLOANA)