Nosiganggo Puramo Ngena Komiu?

oleh

Sampe suvu sararaku lee, rumba pura komiu suvu kana perapi doa kita tulau maseha pura lee, suvu posinggavata partamana hi naliumo kabuka kutevaika kakomiu minal aidin walfaidzin.

Ane maria suvu yaku masala mpojarita nambela natesinggu komiu bara kusangaja atau ledo kusangaja kuperapika doa komiu kana masalama pura le. Suvu nbaria sangaya hi kutevaika kakomiu ranga, kamba kita hi da ri suasana kabuka.

Nuanu lee suvu, komiu nosiganggo puramo ngena ante sampe suvu miu tulau lee, suvu nemo ane maria kasalah ntona nte kita nemo rapariara gaga lee apa kita hi ngena ledo nosisani maipia janjita makava.

Jadi mba komiu kamai kita leekana mosingganggo asupaya ane maria sumpa riarantai tulau nanggita tona kana maaliaka puramo ranga. Ane panguli dako ri pue nabi hae suvu kita nosiganggo pale hae nambela “sunnah muakkad”  eva nuapa hia kana rakavia.

Vesihi panguli pue nabi suvu, “tidaklah dua orang muslim saling bertemu kemudian berjabat tangan, kecuali akan diampuni (dosa-dosa) mereka berdua sebelum mereka berpisah,”.

Ledo nakanca kautamana ane kita mosingganggo pale, jadi suvu mba komiu lee domo ranga kita mositubengosi apa kita hi ranga leria nuapa-nuapana ri mata tupu ta’ala nasimbayu sama pura kita ranga.

Vesiamo ruru lee suvu posinggavata, damo maria vaingena tempona kita mosinggava, tabe. (TOPANJAYO-NJAYO)

loading...