Nidemo Njumo Jokowi !

oleh
Ngana mahasiswa ri Jakarta No Demo Jokowi. (FOTO Ri Google)

Sampe suvu sararaku pura-pura le, nggapuri hi rasani miu puramo ranga apa naroa ri Koran ri televisi topo demo Jokowi ranga. Berimbana ledo rademo, apa nuanu nikavia ledo nasintutu nte janjina sou hiya ranga.

Ane panguli nu ngana nu mahasiswa hae vei mau manuta mesua ri banua ntona mambela dendamo ranga kita tupu numanu, adoh ee anu berimbana ngena tue.

Ledo muni aga hae suvu, niuli nu mahasiswa muni ranga dako ri atura nu KPK, KPK hi anu biasana nosaka pajaba nangangga doi todea anu niuli nu koruptor hae ya.

Jadi ri aturana nabaru hi domo mamala masambara KPK mosaka pajaba ndate pale ranga, domo kusani le bara aga ratutusika ngena pajaba manggangga atau berimbana. Damo aga Ala ta’ala manggisanina.

Sararaku lee, arasani miu muni anata no kulia hi anu niuli mahasiswa nodemo Jokowi ledo ngena aga ri Palu ranga, peinta miu mbotomo ranga ri televisi hae yaa rumba-rumbamo Jokowi njumo nidemo nu ngana mahasiswa.

Nipoheraku hi suvu, nisaninamo ia hae nidemo ledo muni bara maria sakide eya numata kan, pade ratotoaka hamai ngana no demo pekutana geira berimba dotara, motesa belo, aga nemo rapongare motesa ri Istana jelas ledo madota geira ranga, kan nabelopa muni ane mosintomu ri tampa naluo eva ri lapanga pomaimbala hae ya. Asupaya rapeinta tona pura.

Nemo aga mokampanye nggo madota mambelo pane nu eo, najadi mai eranga mau kaca nu oto domo nitauraka. Berimba ledo nakana suvu?. Jadi vesia ranga, ane eva panguliku hi Jokowi hae totoakamo ranga ngana no demo hae kan asupaya maupumo urusa.

Ane vesihi carana peinta mboto ri Kendari hamai randua ranga mahasiswa namate niuli no dokter nambela nitemba, domo nisani sema tope temba ranga. Jadi vesiamo lee suvu maria vai ngena tempona kita mosinggava. Tabe. (TOPANJAYO-NJAYO)