Neumba Dako ri Warkop Deana Calon Walikota Palu

oleh
Conto topo tesa ri waru po kopi. (Google)

Sampe suvu sararaku lee, hituhi topo tesa ri ngata palu ledo ri facebook ledo ri warkop aga calon wali kota pura nitesa ranga. Padaha suvu, ane rareke-reke damasaepa ranga mpae makava pade mompelisi vai kita hi.

Nipoheraku hi suvu, pompaelo sararata hamai ri huntara ledoria nitesara ri warkop ranga berimba solusina kan, asuapaya masasinta muni kita bangkit.

Hituhi, sakide-sakide nipekutana vai yanu vai tano mamaju ri walikota yanu vaimo yanu vaimo eranga, bara ledo nabasa rarara hae notesa aga haemo aga haemo.

Peinta miu mboto ranga suvu, hituhi sanga-sanga geira anu mamaju ri calon wali kota mpae makava sangana hae neumba dako ri warkop pura ranga, leria sangara hae neumba dako ri tesa-tesa sarara ri huntara kan. Nakana atau ledo?

Padahal suvu, ane sanga sanga anu mamaju ri calon wali kota hae rapeinta miu pakabelo huu bara aga sangu nte randua nakana nacoco najadi wali kota. Ntanina pura hae, aga nitende sanggani aga kamailekana no deklarasimo ri warkop.

Ledo nanguli berimbana lee suvu, kita naupu nambela musiba mbaso ranga jadi raelo mami tona anu mpu-mpu mamala raparcaya mompaka belo panjili ngata hi ranga.

Nemo tona rapelisi adoh ranga, aga tesa konga bayangi nipokonona nemo ntoto rapelisi suvu, hau ri warkop aga nosolopu jengki bo motesa konga vaimo eranga.

Jadi suvu, ane rapeinta miu calon-calon wali kota ngena hi aga saena monturo ri warkop nggo nemo ratosu, karna dopa najadi damo aga warkop nitorana apalagi ane majadimo. Vesiamo ruru lee suvu, maria vai ngena tempona kita mosinggava. Tabe. (TOPANJAYO-NJAYO)