Natanga Bongi, Dopa Naupu Kotak Suara Nibagi KPU !

oleh
Pulisi nantaja sanjata neangga ri ngayo nu kotak suara, eo Sine (16/4) ri Palu. (FOTO : MAL/FALDI)

Sampe suvu sararaku lee, tanga bongimo hi nariapa vai nuanu kuteska kakomiu pura lee, dopa naupu ngena nibagi KPU Kota Palu Kotak Suara ante Surat Suara.

Tapi anu dopa nibagi hi damo hau ri Kecamatan Palu Selatan ranga, tapi kana nadeapa muni suvu, mekava bara ruatu ranga. Aga domo nisani nuapa sabana sampe nalamba vesia gaga lee.

Padahal suvu, seharusna maupumo kadea nuanu hi ranga, karna geira ri TPS muni mauturumo ranga mangosaraka, apa maile vai mokarja ntamo ranga. Tapi aga rakuya vai lee suvu, kana merapi doa leria berimbana berimbana ranga.

Apa ane rauli nakini rara bo nakini pura rara ntona lee, apa natanga vesiemo bongi kate dopa maupu ranga, padahal seharusna dako ri partamana mami sou hia namalamo nireke – reke ranga sakuya oto trek rapake manggeni kotak suara ane vesia gaga deana.

Kan vesia suvu toh, aga rakuyamo nakajadiamo ranga, tapi suvu nemo berimbana gaga pompekiri miu, apalagi kakomiu tim sukses ante caleg, nariamo pulisi bo tantara nojagaina ranga.

Pade pulisi nte tantatara nojagai hi ante sanjatana bayangi ranga, jadi merapi doa leria berimbana berimbana ranga.

Jadi vesiamo ruru lee suvu tesata bongi hi, apa niuli nu KPU munimo pangane kana rausakara ranga maupu bongi hi rabagira nuanu hae, vesiamo lee suvu, tabe. (TopanjayoNjayo)