Nasempomo Bau ri Palu Naliu Tsunami

oleh
Topo bau ri kampu lere, dako nanjili nebau rantasi.(FOTO: MAL/IKRAM)

Sampe suvu sararaku le, suvu naliu tsunami hi ane raparantaeka belo – belo nasempomo ranga alinu bau ri palu hi le.

Apa bau nipobalu ra ngata hi, eva dopa nadea tona nangandena ranga, natrauma vei geira ane nanggita bau dako rantasi. Pade niuli vei bau rantasi nangande dagi nu manusia.

Padahal, eva ledo muni ranga vesia ntoto suvu, eva ledo muni makana leria kandeana mami bau ane rantasi hae toh, kadeana kandeana mami ranga.

Suvu kutevaika kakomiu lee, domo ratora gaga nuapa nakajadiamo nte kita hitu ranga, posabara pakaoge suvu, niparcaya miu pura ane tupu ala ta’ala nombadekeika kita cobaan hitu ledo naliu dako ri kamamputa ranga.

Damo aga kita suvu, berimabana carata mombatarima nuapa nidekeina hi ranga, naria pura ngena hikmahna suvu, jadi madota komiu mangande bau kandemo ledo ranga nakuya.

Nemo aga gara-gara tsunami hae domo pura komiu madota mangande bau, eranga, ane ledo komiu mangali baura geira topobau hamai rantasi sema vai tano.

Asuapaya kita hi masasinta muni mabelo panjili ngatata hi, nemo aga mamangga ri suara nggo Palu Nakua atau Palu Bangkit, begitu nitudu nangali bau mai komiu domopura nadota. Berarti dopa nakua ranga, kan vesia toh.

Jadi suvu kutevaika kakomiu ranga, bau anu nakava nte kita ri palu hi muni ledo ranga bau ri palu hi mami suvu, tapi bau dako ri sararata hamai ri parigi, toli-toli nte dako ri pantai barat ranga.

Jadi ledo nakuya suvu, vesiamo bara le, damo maria vai ngena tempona kita mosinggava. Tabe. (TOPANJAYO-NJAYO)