Nariapa Muni Tona Netimbongo

oleh
Gamabra topo tunju petasan dako ri google. (Istimewa)

Suvu berimba kareba miu pura lee, perapi do’a ranga kana maseha pura komiu tulau ranga.

Berimba suvu niepe miu moni-moni nu petasan riavi bongi lee, boitumo ranga nahera muni yaku nanggitana. Kana nariapa muni tona netimbongo niulika.

Padahal niumumkamo barapaia domno motunju-tunju petasan hae, tapi kana naria muni ranga.

Bara ante totuanamo sanu netuntuni nomba tunju petasan hae aga domo kusani ranga.

Eranga, rapabiasa vei lee meepe raulika, naupumo pamarenta nangulika komiu, naupu munimo ustad nangulika komiu, naupu munimo pulisi nangulikana eva kana ledo muni komiu le.

Naka mpu ranga baga hae niulika, bara niuli ledo nosikola padahal natama ri SMA, berimbantoto tano tona mangulika komiu lee, semantoto raepe miu.

Hm kana ledo muni nabali ranga, tapi mau berimba kana perapi do’a kana masalama pura komiu tulau le.

Vesiamo ruru lee suvu, maria vai ngena tempona kita mosinggava le. Tabe. (TOPANJAYO-NJAYO)