Namadai Topo Kongres, Nilivura Ntoto Ranga Wartawan

oleh
Foto Dako ri Google

Sampe suvu sararaku le, eranga iriavi suvu nisani miu pura ledo nisani saba naria ranga topolivu wartawan ri poacara nu kongres korban bencana pasigala.

Geira nelivu hi suvu, ane raparantaeka pakabelo aga urusa nambela eo napane atau ledo nggo ranga. Anu mamala rapakaupu belo-belo najadi nakanano pura ranga.

Padahal suvu, geira wartawan haemo hae ranga nompaka dea bantuan tumai nakava ri palu, sigi, donggala nte ri parimo. Geira topotulisi haemo hae ranga.

Botana aga geira vai nilivu miu?, eranga, ledo ntoto namala nisalai tano komiu topo livu tue le, eva nadea ntotomo nuanu nikavia miu ka pasigala hi, sampe naliu mpurara miu le.

Padahal ane rasani miu, geira wartawan nilivu miu iriavi ri poacara nu kongres hae, gaira muni ranga najadi korban lingu bo tsunami barapia hae, tapi kana damampu muni ranga geira notulisi kakomiu ala masana katuvua miu manggava bantuan dako riumba pura.

Panguliku hi, domo rauli miu tarimakasi, tapi ane rapeinta miumo geira hae domo rakuya-kuya ranga, dekeikamo geira nuapa nilaviara, karna suara miu suarara muni ranga, nombabela hak-hak miu muni.

Jadi kana ratora le suvu, vesiamo ruru petevaiku kakomiu pura, ane mari komiu makodirara eee pekiraka pakabelo le. Vesiamo le suvu. Tabe. (TOPANJAYONJAYO)