Nadeamo Dopi Nobolo Ri Jambata Gantu

oleh

Hadoo ranga, nandasa le ane moliu hamai ri jambata gantu Nunu Maesa. Jambata hamai nadeamo bolo,nidagimo dopi na,ane raparanteka hai eva nasae mpu mo dopi nipataka ri jambata. Mba komiu le,tupu nu ngata Palu hi,anu niuli komiu pamarenta tu ya, pasiayu miu vei jambata gantu hai,domo aga sangu ante randua bolo nujambata hai,nadea mo. Mamala mo nto raganti.

Ane vesi nju ngena hai rapalam baka eva japi ridala,ado ranga aga matambai deana gero nu dopi hai apa eo bongi tona noliu nojeje dopi. Kavia mami masasinta le,nemo marimo tona manavu ra ngarona mo tona pade masesa komiu. Domo ya,raganti pura ruru,anu gero mo hai raganti pade ane maria anggara na madea, raganti miu pura nabelo ntoto itu e.

Sangganipa le! Nemo le rakalingasi apa doi todea nipongisi miu itu, nuapa salana aga jambata gantu kodi bo ante dopi ledoa nasuli alina hai,ledo namala rapaka belo miu. Nemo ntoto le,maria mo korba niposabaka nanavu dako ri jambata pade madea mo tona rasalai,ai, nemo mpu le paka belo tano masasinta itu,domo aga janji tinggal janji. Tabe. (TATA MBASO)