Kajaga Nadea Asu Gila!

oleh
Ilustrasi

Mba komiu le, ane hau ri Sigi, kacamatan Dolo ante Gumbasa, kajaga mami sisi nadea vai asu gila, eva najadi musimna muni le. Norambanga vai mo asu gila ri ngata-ngata. Eva ri ngata Pankuli Gumbasa, ante muni ri Kota Pulu ante Kotarindau. Nade tona nikiki asu gila hai.

Korbana hai,Totua ante ngana nikiki nu asu gila. Eva totua ri Kotarindau,totua hai,niulina mompaka gali keke kodi vei. Ledo muni nisanina ee bo tano netendemo asu mpoana. Nabaka mo pale njidi totua hai,nautu naria randua  kabilasa neboba ante sero,pade nangova asu hai.

Panguli tota hai, naopu kajadia hai, nauntu muni ia nikeni nasasinta nisunti. Asupaya nemo ngena racurigai asu hai bara nadua rabies,adu ranga mabahaya hai. Itu puramo hai nipokaeka todea. Apa hamai,ngena damo nadea asu. Nadea asu hai,pangulira mombajakai japi, tova nojagai banua. Sisi nilira muni nadea topangaga japi, ante motoro.

Ripuri hi,ra ngata randua hai,nadea mo kabilasa mbaso noraka asu bo nipatesi ra. Anu nicurigai naria nadua nuasu, natopa niuli rabies hai suvu. Mba muni komiu le,dako ri kasehatan hewan, coba vei cek miu sunti miu pura asu hamai, apa nadea asu dipatuvu sampe suvuta hamai. Apa naria muni gunana asu hai,mombajagai topangaga. (TOKASOLOANA)